teh mighty JON CABRON show

martes

Jon Cabron — Sun, 07 Feb 2010 23:13:08 +0000

gusto kong maranasang maging isang magandang babae kahit isang linggo lang, ‘yung mala ellen adarna tapos may malaking boobs. tapos magiging mataray ako sa mga kalalakihan. ‘yung taray na parang pang tipikal na babae, ‘yung mataray pero papansin. makikipag usap ako ng malakas sa celfone habang nasa mall ako tapos pag may napatingin sa akin iirapan ko. magsusuot ako ng sobrang ikli sa jeep tapos hihilahin ko ng hihilahin pababa para takpan ‘yung legs ko o kaya hihilahin ko ng pataas para takpan ‘yung cleavage ng p’wet ko. pag naglalakad ako hahayaang kong madislocate ang tadyang ko sa pagkembot ng bewang ko tapos ‘yung nguso ko lagi kong patutulisin. pag naging babae ako, ang una kong gagawin maghahanap ako ng lalaking katulad ko, ‘yung jon cabron na ako. kase biruin mo ha’ nagtatrabaho ako ng anim na araw isang linggo, gumigising ako ng alas kwatro kinse ng madaling araw tapos nun ala singko nasa kalsada na ako, naghihintay ng jeep at nakikipag unahan sa pagsakay ng bus. ang balik ko na sa bahay n’yan alas kwatro trenta ng hapon. kakain, magyoyosi, maliligo, haharap saglit sa computer habang nagyoyosi, tapos magyoyosi bago matutulog. tapos nun balikan mo lang ‘yung kwento ko ganun ang ikot ng buhay ko. anim na beses, isang linggo. narindi ka ba? p’wes hawakan mo ang dibdib mo sa impormasyon na sasabihin ko dahil baka sumabog ‘yan sa pagkahabag mo sa akin. martes ang dayoff ko. seryoso, sinong matinong tao ang magrerest day ng tuesday? martes ang simula ng linggo ng responsableng manggagawa, hindi linggo at hindi lunes. bakit? tuesday mula friday nagtatrabaho ‘yang mga taong ‘yan, sabado sila nagiinom at ‘yung linggo walang gagawin ‘yang mga ‘yan kundi mahiga dahil may hangover sila at lunes sila nagpapahinga sa mga opisina nila. oo naman, kailangan din nilang magpahinga s’yempre. kung tuesday simulang sisipagin ang mga trabahador at ang araw ng pahinga ko ay tuesday malamang wala akong mayayakag na matinong tao na makakainuman man lang sa gabi, ako na naman ang magisang magiinom sa bahay. tuesday ang pinakawalang kakwenta kwentang araw sa buong linggo. bakit?

monday – pahinga
wednesday – yes! gitna na..
thursday – isang araw na lang friday na!
friday – petiks, petiks.
sabado – inom!
linggo – hilata!

tuesday – putangina!

ano ang punto ko, sa mga dahilang sinabi ko na ‘yan. gasino na ‘yung minsan man lang sa buhay ko dalawin ako ng isang martes na may naghihintay na mala ellen adarna sa akin na may malaking dede. seryoso, abusadong tao pa ba ako nun? hindi n’yo lang kase alam.

makinig ka sa payo ng nakakaalam

Jon Cabron — Fri, 05 Feb 2010 11:48:25 +0000

TANONG: bakit kailangan mong maglogout pagkatapos pag nasa pampublikong lugar ka?
SAGOT: dahil hindi mo alam ang mga posibilidad.

TANONG: anong magandang payo para mas madali kang matanggap sa trabaho?
SAGOT: magbawas ka ng kumpiyansa sa sarili.

1.

2.

maniwala ka, alam ko.

tanong sagot 7

Jon Cabron — Fri, 05 Feb 2010 11:28:25 +0000

mga sinagot na tanong.
formspring.me/joncabron

T. san ka nag-college?

S. perps biñan tsaka dun sa walang kwentang technical school sa alabang, ‘yung malapit sa sogo.

T. bakit mas pogi ka kesa kay Gino? si Gino nga pala to…

S. dahil hindi na patas ‘yun kung talentado ka na mas pogi ka pa sa akin.

T. K4Fe(CN)6 + H2SO4 + H2O = K2SO4 + FeSO4 + (NH4)2SO4 + CO

T. kelan tayo mag-iinom?

S. ikaw!

T. pang-apat na tanong ko na to. kelan tayo raraket?

S. wala akong maisip na hindi illegal, seryoso. haha

T. ilang beses kang nag papalabas sa isang linggo?

S. ang haba ng sagot ko pero binura ko. bakit? dahil baka nanay kita.

T. mahilig ka ba?

S. ang haba ng sagot ko pero binura ko. bakit? dahil baka nanay kita.

T. if given a chance we met..do u think mgugustuhan mo aq???

S. dahil ang “ako” mo ay “aq” pwedeng may mangyari sa atin, pero baka half body lang.

T. may pagka suplado ka ba talaga??

S. sa tunay na buhay? hindi naman. hindi lang ako ganun kadaling mapalagay sa mga bagong tao tsaka masaya akong manood ng mga tao sa paligid ko kaya madalas tahimik lang ako.

T. Im just curious, kung boboto ka, sino po boboto mo for president?

S. jesus christ.

T. Gaano ka kadalas manood ng porn?

S. depende sa pangangailangan.

T. ayos ang blog ah. magkano bayad mo para sa magandang website na ‘to?

S. bah! kontak mo si gino

T. putang inamo cabron mamatay kana..

S. tangenamo din, maghiwalay na sana mga magulang mo.

salamat all.
Jon Cabron

butil ng patuka

Jon Cabron — Wed, 03 Feb 2010 02:53:25 +0000

hindi laging masama umayaw basta alam mo kung kelan ka dapat bibitaw,
dahil sa isang relasyon hindi dapat ikaw lang ang kumakapit.

at hindi porke’t bumitaw ka ayaw mo na.

tanong sagot 6

Jon Cabron — Sun, 31 Jan 2010 00:48:15 +0000

mga tanong na sinagot.
formspring.me/joncabron

T. pakyu ka bakit ang dami mong alam?haha

S. lahat tayo henyo at mga mangmang, depende sa pinaguusapan.

T. ano na ngyari sa plano mo pa dubai?

S. tuloy yun.

T. totoo bang 3 inches lang yan? o mas maliit pa?
S. 3 inches pag bagong panood ako ng bold. pag normal na araw mas maliit pa s’yempre.

T. pwede ko bang i-send sa mga kaibigan ko ang mga patuka sa utak na ginawa mo?

S. pwedeng pwede, basta sabihin mo ginawa ‘yun ni jon cabron. mabait na tao.

T. wat do pipol like u get in blogging??

S. malaking bagay sa isang katulad kong maingay magisip at mahilig maglaro ng mga salita ‘yung mabigyan ng kapirasong puwang sa internet para may mapaglatagan ng mga ‘yun. at ‘yung bonus? ‘yung magkaron ng mga mambabasa at mapatunayang may kinapupuntahan ‘yung mga ipinagingay at pinaglaruan ko.

T. how would you feel if someone called you a twat?

S. wala, hindi ako naaapektuhan pag ginagamitan ako ng english na salita dahil hindi naman ako amerkano. haha!

T. wen do u knew to a girl dat she’s reli da 1 for u??

S. pag ganyan ka magtype, posibleng may mangyari sa atin pero half body lang. naisip ko lang naman.

T. anu nmang meron sa dudai na wala d2 sa taif,saudi??

S. taif? lols tangenang pangalan ng lugar ‘yan!

T. wat do u prefer LDR or having personalize relation??nd y??

S. wala naman sanang pang college na tanong.

T. Sino ang celebrity crush mo?

S. angelina jolie, elisha cuthbert, derek ramsey, edward norton.

T. may homosexual tendencies ka ba?

S. basahin: kung bakit ako bakla

T. paano maging isang joncabron?

S. hmmm ‘wag kang iinom ng malamig pag umaga.

T. i like your devil may care attitude i wish to meet you in person someday mr. cabron

S. how about, no?

salamat everybody,
Jon Cabron

adik ka ba?

Jon Cabron — Fri, 29 Jan 2010 23:30:27 +0000

may isang batayan akong naisip kung papanong mapapatunayan na hindi talaga patas dito sa pilipinas. naisip ko lang,
pag ang mga babae ipinamukha mo sa kanya ‘yung pagiging mahina n’ya, magagalit ang mga feminista at maghuhurementado ang gabriela.
pag binitbit mo na parang baboy ang isang lalakeng naghurementado at bumaril sa’yo matapos mo s’yang madis armahan.. patay ka sa human rights.
pag sinapak mo sa mukha ang tomboy na umagaw ng syota mo, nilabag mo ang karapatan n’ya bilang babae.
hindi mo p’wedeng pandirihan ang bakla na naglabas ng dila n’ya para basain ang labi n’ya habang nakatitig s’ya sa’yo nung nakasabay mo s’yang umiihi sa banyo ng isang mall.

.. pero pag may isang kabataan ang bigla na lang sumigaw ng holdap sa isang pampublikong sasakyan.

.. o may isang estudyante ang bigla na lang hindi na pumasok sa klase n’ya para bumarkada sa kalsada.

.. o isang empleyado na sa kaaburiduhan e bigla na lang tumalon sa 6th floor ng kumpanyang pinapasukan n’ya.

.. at ang grupo ng kabataan na nahuling nambabato ng basura sa mga nakasakay sa bus.

adik na agad.
lahat ng kabataan na naliligaw ng landas adik na agad. lahat ng magulo, adik. lahat ng malalakas ang loob, naka drugs. lahat ng nangmasaker at pumatay, adik. pag sumuko ka sa buhay, adik ka. pag hindi ka nalalasing, naka drugs. pag hindi makakain, humithit ng bato. pag namumula ang mata, naka tsongki. pag nagnakaw, kailangan ng panggamit. pag laging nakajacket, nagtuturok. pag bumili ng rugby, sisinghot. pag magaling na boksingero, gumagamit. pagpuyat, adik. pag payat, adik.

hindi ako magtataka kung dadating ang araw na magsasama sama lahat ng mga matitinong adik sa pilipinas para labanan ang diskriminasyon sa kanila. hindi lahat ng adik nagwawala at patapon.

.. naglilibang lang.

‘yung mga kabataang nakaputing tshirt, lawlaw na pantalon, tapos kalbo

Jon Cabron — Thu, 28 Jan 2010 05:53:10 +0000

alam mo eto sa totoo lang, nakakatakot nang maglalabas ng bahay ngayon sa mga panahon na ‘to. bakit? dahil sa dami ng mga tatanga tangang kabataan na umiidulo kay jason ivler. nakita mo na ba ‘yung fan page n’ya sa facebook? nabasa mo ba ‘yung mga komento ng mga kabataan? ‘yung mga “ang gwapo mo jason, sana sa amin ka na lang nagtago” , “idol magpagaling ka tapos tumakas ka d’yan resbakan mo sila”, “idol pag yumaman ako itatakas kita d’yan tirahin natin lahat ng umaapak sa atin” hahaha tangena n’yo! eto ang hirap sa ating mga pinoy, ke sumikat ka dahil pumatay ka ng tao o sumikat ka dahil namaril ka ng pulis, kumain ng tae, o lumunok ng piso astig ang tingin sa’yo ng mga kabataaan, sikat ka eh.
nung nakita ko sa facebook ‘yan kanina akala ko maliit na bagay lang pero habang nasa jeep ako pauwi, may sumakay na binatilyo.. nakaputing tshirt, lawlaw na pantalon, kalbo, at may nakasinding yosi sa bibig. pagupo n’ya sa jeep tinitigan n’ya lahat isa isa ‘yung mga kasakay n’ya pati ako. lumaban ba ako ng titigan? tangena, s’yempre hindi. bakit? dahil malamang papatayin ako ng taong ‘yun dahil kakapanood n’ya lang kay jason ivler kagabi. sa labas ng jeep sa maynila, lahat ng kabataan na nakatambay pakiramdam mo naghihintay lang ng away, lahat handang makipagsagupaan. taragis, napapaligiran na tayo ng mga kabataang pahiphop hiphop at hindi natatakot manakit ng tao, lahat ng kabataang tambay mala jason na. at alam mo kung sino ang nakikinabang sa pagkakataong ‘to? ‘yung mga barbero sa barberya sa dami ng nagpapakalbong kabataan ngayon. buti na lang din last day ko na ng panggabing shift kanina, ayoko ng maglakad sa kalsada ng gabi, nakakatakot. hindi naman sa duwag o ano dahil ano naman ako e, ahhhm sa totoo lang handang mamatay.

yeah men.

hindi ko gustong sa ganyang pagkakataon mo ako unang masilayan

Jon Cabron — Mon, 25 Jan 2010 19:10:34 +0000

syet! wala akong gel nun at paki unawa naman na magdamagan ang skedyul ko tapos wala pang kuryente kanina sa bahay kaya kulang kulang na talaga ‘yung tulog ko tapos kakatapos lang ng pasko at bagong taon kaya normal lang naman siguro talaga na medyo nagdagdag ng timbang ang mga tao di ba?

XXX: naka bag ka ba?
JON CABRON: ayokong sagutin
XXX: slacks na itim?
XXX: di ko matandaan pero parang blue ata na polo
JON CABRON: ayokong kumpirmahin
JON CABRON: ekaaa
JON CABRON: last na, nagkatinginan tayo? malapitan ba?
XXX: oo.
XXX: nagkasalubong nga
XXX: nilingon pa nga kita.
XXX: hindi ako maganda hindi mo ako napansin
JON CABRON: hindi, bihira kase ako tumingin sa mukha ng kasalubong ko

XXX: ah siguro hawig mo lang
XXX: matabang maputi kasi e

iba pa rin talaga kung nakita mo ‘kong suot ‘yung hoodie ko tapos may sindi sindi akong sigarilyo.

katitian

Jon Cabron — Sun, 24 Jan 2010 18:19:07 +0000

at kahit gaano pa kapait ang naging dahilan ng paghihiwalay n’yo, kahit gaano pa kaganda ang pinagdaanan na nauwi din sa wala dadating pa rin minsan ang pagkakataon sa inyo matapos ang mahabang panahon na hindi n’yo maiiwasan.. ang pagkakataong magusap at dalawa lang ang posibleng kalabasan ng paguusap na ‘yun. manumbalik ang dating pakiramdam o maibigay ang closure na matagal mo ng hinihintay.
may kung ilang taon din kaming nawalan ng komunikasyon matapos ang hindi masyadong magandang paghihiwalay na ‘yun. dati kahit papano may mga naririnig pa rin akong balita patungkol sa kanya galing sa mga kaibigan namin hanggang sa dumalang ng dumalang. basta ang huli kong balita, nasa ibang bansa na raw s’ya at may asawa na.
nagulat ako ng nakatanggap ako ng email mula sa isang pamilyar na pangalan. tungkol daw ito sa reunion namin sa katapusan ng january, may isang kaklase daw ng highschool ang nagbigay ng email address ko sa kanya dahil ako daw ang nakakaalam ng mga detalye sa reunion na ‘yun. hindi nakaligtas sa mga mata ko na pangalan pa rin n’ya nung dalaga pa s’ya ang ginagamit n’ya. matapos ang ilang palitan ng mensahe at detalye, nagpasya akong ibigay ang YM id ko sa kanya, para mas mabilis. real time.
mas naging mabilisan ang palitan namin ng impormasyon sa YM. sakto daw ‘yung reunion dahil paalis na rin s’ya pabalik ng ibang bansa sa kalagitnaan ng susunod na buwan. kamusta na raw ako, mabuti naman ako at mabuti din naman daw s’ya, masaya, at hiwalay sa asawa. madami pa kaming napagusapan na walang kinalaman sa gaganaping reunion, medyo personal ang iba pero masaya ako na walang sumbatang naganap. may mga pahaging na usapang mapapadako sa kumbinasyon ng alak at betsin pero kung hindi ako, s’ya na rin ang naglilihis ng usapan. siguro nga, kahit papano napatawad n’ya na rin ako.
madami pa kaming napagusapan. kamusta na ang nanay ko, ayos naman. at ang tatay n’ya gago pa rin. hanggang sa bigla na lang pumasok sa isip ko na unti unti ng nawawalan ng buhay ang usapan at nawalan ako ng kontrol naramdaman kong malapit na s’yang bumitaw sa usapan. at sa desperado kong pagtatangka para sumubok bigyan ng hanging mahihinga ang usapan hindi ko alam kung saan nanggaling basta naitanong ko lang sa kanya kung nanonood s’ya ng PBB, alam ko wala akong kwenta. oo daw. tinanong ko kung kilala n’ya si rocky salumbides ‘yung girlfriend ni amor powers. oo daw ulit. nararamdaman ko na nasa mga kamay ko na ang panibagong buhay ng usapan, eh nakita mo na ba ‘yung hubong picture ni rocky?

Jon: ang liit no?
Ex: ganyan naman talaga pag malambot ‘di ba? tsaka mas malaki pa nga ‘yan kesa sa’yo.
Jon: … hindi ako artista.

deja vu

Jon Cabron — Thu, 21 Jan 2010 03:06:59 +0000

late ako kaninang dumating sa opisina, bali kagabi ‘yun dahil kakauwi ko lang ngayon galing sa panggabing shift. nasiraan ‘yung bus na sinasakyan ko sa mismong kalagitnaan ng skyway. ganda pa naman ng katabi ko. kung kelan nahuhuli ko s’yang tumitingin sa akin at kung kelan sinasadya ko ring mahuli n’ya akong nakatingin sa kanya. sabi nung kunduktor baba daw muna lahat ng pasahero ayaw daw pumasok ng clutch ng sasakyan, hihintayin pa daw ‘yung susunod na kaparehong bus tapos dun daw kami ililipat o kaya kung may nagmamadali daw at tyempong may dumaan na kalabang bus at tumigil sa tapat namin, ipakita lang daw namin ‘yung tiket namin sa kanya tapos irerefund n’ya daw ‘yung pamasahe lumipat na lang daw kami dun. hindi ako umalis sa kinauupuan ko hanggat hindi ko nasigurado na bababa na ‘yung babaeng katabi ko. umiling ako nung nagkatinginan kami, ngumiti s’ya tapos bumulong ng “malas”. sabay kaming bumaba. pinanonood ko ‘yung kunduktor at drayber habang magkatulong nilang kinukumpuni ‘yung bus, nasa tabi ko ‘yung babae nagtetext.
maya maya may dumaang bus na iba ‘yung tatak, pinara ng kunduktor namin nagusap sila saglit ng kunduktor sa kundukor maya maya sumigaw s’ya sumakay na raw ‘yung nagmamadali, tayuan nga lang. nag unahan sa pagsakay ‘yung ibang kasakay namin kanina, lumingon ako sa kanya tapos tumingin s’ya sa akin.. naiwan kaming dalawa tsaka may walo pang ibang pasahero sa skyway. binilang ng kunduktor namin ‘yung nabawas at sumakay sa kabilang bus, nagusap sila ulit ng kunduktor sa kunduktor may inabot s’yang pera tapos umalis na ulit ‘yung bagong dating na bus.
anlamig ng hangin, nakakainip ‘yung susunod na bus. naiinip na ‘yung ibang kasakay namin kanina na mga nagpaiwan din katulad namin, nagtetext pa rin ‘yung babae sa tabi ko, at pinapanood ko pa rin ‘yung kunduktor at drayber ng bus. nagtext ako sa supervisor na male late ako tapos sinabi ko ‘yung dahilan. pag angat ng ulo ko kausap na nung babae ‘yung kunduktor, kinukuha n’ya ‘yung bayad n’ya lalakarin n’ya na lang daw hanggang baba tapos dun s’ya magaabang ng bus na galing sa ibaba. kinuha ko din ‘yung bayad ko, sabay kaming naglakad. sa isip ko anlayo pa, halos hindi ko matanaw ‘yung dulo ng kalsada. anlamig ng hangin, nakakatakot ‘yung mga ibang sasakyan na nakakasabay namin at nanggagaling sa likod. pinarinig ko sa kanya ‘yung malakas na bulong ko “malas” hindi s’ya kumibo pero tinignan n’ya ako. medyo malayu layo na ‘yung nalalakad namin maya maya tumigil s’ya, hindi ako nagpahalata pero binagalan ko ang lakad ko naiwan ko s’ya ng mga ilang hakbang , pagtingin ko sa likod ko pabalik na s’ya sa bus na pinanggalingan namin. hindi pa rin umaandar ‘yung bus at wala pa din namang paglilipatan na sasakyan, siguro napagod na lang s’ya at sumuko dahil alam n’yang malayo pa ‘yung lalakarin namin. nahiya na akong sundan s’ya, pinangatawanan ko ‘yung paglalakad kahit mag isa na lang ako. malamig pa rin ‘yung hangin at mas lalong naging delikado ‘yung mga sasakyan sa likuran ko dahil mag isa na lang ako. tatlong bus siguro ‘yung lumagpas sa akin bago ako nakarating sa dulo at hindi ko alam kung nakasakay na s’ya sa isa dun.

.. naalala ko ‘yung girlfriend ko dati.