teh mighty JON CABRON show

ang sweet

Jon Cabron — Thu, 11 Mar 2010 18:05:06 +0000

FYI,kasalukuyang inspirasyon ko ang larawan ng gf mo sa pagsasaltik ko ngayon.May reklamo ka pare?Wala? Pakisabi sa kanya nakaka el xia!

* portal na tambayan ng tatlong uri ng tao. 1. nagtatanong 2. humahanga 3. mga duwag na nagtatago sa likod ng internet at nagtatalukbong sa isang website na katulad n’yan kung saan wala silang pangalan at pagkakakilanlan.

seryoso, iniisip mo ba talagang maiinis mo ‘ko sa ganyang klaseng tira mo? hindi ba talaga pumasok sa isip mo na bago ako gumawa ng account sa website na ‘yan e hindi ko naihanda ang sarili ko sa mga ganyang banat na kasing tanda na ng internet? masyadong mababa ang pagkakakilala mo sa akin kung ganun at sa ganung punto ako nalulungkot.
hindi ko lubos maisip kung gaano kaya kalakas ang nginig ng mga kamay mo at kabog ng dibdib mo bago mo natapos ‘yang maikling pangungusap na ‘yan dahil sa takot mo sa ‘kin at kung makailang ulit mong kinumpirma muna kung talaga bang hindi ka makikilala pag nagsalita ka sa formspring bago mo sinimulan ‘yan.
pero katulad ng sinabi ko hindi naman ako nagagalit sa’yo. bakit ako magagalit sa isang taong ang intensyon ay galitin ako pero hindi n’ya maitago ang paghanga n’ya sa akin? hindi ko inaangkin pero alam kong sa akin mo natutunan ang salitang “nakaka el” at “pagsasaltik” at ‘yung pagtanong na may kasamang sagot na patanong din. lutang na lutang ang paghanga mo sa akin, maraming salamat. alam mong kung ako ang tutumbukin ng maanghang mong dila, tatawanan lang kita kaya sa iba mo ipinahid ang laway mo. saulado mo ako masyado, maraming salamat.
kung babalikan ko mula umpisa ang kwento ng pagbablog ko bilang si jon cabron sa loob ng apat na taon masasabi kong malaking tulong kung bakit ako nakilala ay dahil sa mga tulad n’yong tinatawag na ampaw na boksingero, kayo ‘yung mga atletang kulang sa praktis, nakapag push up lang ng sampu dumayo na agad ng laban. wala pang nakakatalo sa akin sa patalasan ng dila, undefeated pero hindi ko p’wedeng ipagmalaki.. kase nga puro naman ampaw ang nakalaban ko.
kung seseryosohin ko ang sinabi mo eto ang isasagot ko, hindi mo na kailangan pang sabihin sa akin ‘yan at pangalawa bakit hindi ikaw ang magsabi sa kanya?
sa huli, sana ay naghatid sa’yo ng matinding kilig ang pagpansin at paggawa ko ng entry na ito. magaling na lalake ka naman siguro, iwasan mo na lang kaseng ikumpara ang sarili mo sakin.

oh at ‘yung paggamit mo ng “xia” imbis na “siya” para maitago pa lalo ang pagkakakilanlan mo, hindi uubra sa akin ‘yan hindi ako kahapon lang ipinanganak at hindi ako naligaw lang basta sa internet, tiga dito ako.

marry me?
Jon Cabron

kalapati

Jon Cabron — Wed, 10 Mar 2010 11:41:27 +0000

mahilig mag alaga ng ibon ang kapatid ko. meron s’yang kalapati at iba’t ibang lahi ng lovebirds. bata pa lang ‘yan na ‘yung hilig n’ya. nung isang buwan lang pagkauwi ko galing ng trabaho inabutan ko s’yang may dala dalang kalapati na bago sa paningin ko, iyon daw ang bago n’yang alaga, magandang lahi wala akong alam sa pagkakalapati basta ang intindi ko ‘yun daw ‘yung pandayo, kumbaga pang malayuan kung ibitaw.
napansin ko din na bukas ang kulungan ng mga lovebirds, hindi ko na kailangang itanong para makumpirma kong binenta n’ya ‘yung mga ibon para pambili nitong bago. tuwing papasok ako sa trabaho madalas iniiwan ko s’yang hawak hawak ang kalapating ‘yun o kung hindi kaya nagpapatuka ng mga kalapati kasama ‘yung paborito n’ya. mayabang ang dating nung isang kalapating ‘yun, inaaway lahat ng kapwa kalapating gustong sumalo sa pinagkakainan n’ya. siguro, alam n’yang iba ang lahi n’ya at siguro ramdam n’ya at ng lahat na s’ya ang paborito ng may ari sa kanila kaya walang lumalaban sa kanya.
makailang ulit kong tinangkang magsulat buhat pa kanina, pero kahit naka ilang palit na ako ng kwento at nakailang tangkang magpasok ng bago laging sa simula lang ang inaabot ko. sabi ko nga, parang pakikipag anuhan din ang pagsusulat, pag wala ka sa mood hindi mo p’wedeng ipilit. pag mali ang pasok, hindi ka makakatapos.
mahirap din ‘yung wala akong sariling ritwal pag nagsusulat. ibig sabihin pwede akong magsulat may yosi o wala, may kape o wala, kaya kong magsulat ng maingay at pwede din naman tahimik. ngayon ko lang naisip, kahit papano malaking tulong din ‘yung mga arteng ganun para maikundisyon ang sarili mong magsulat. parang ‘yung pagsigaw ng voltes team ng “let’s volt in” bago sila magsa robot at ibigay ang isandaang porsiyento ng lakas nila, o parang pageeksplika ni shaider sa mga armas na inilalabas n’ya bago n’ya gamitin ‘yun sa kalaban n’ya. ako, sinubukan kong gawin ang lahat kanina para lang mapiga ko ‘yung utak ko. sinubukan kong maglinis muna ng sasakyan, kumain, maligo, makipag kuwentuhan sa labas, makipag usap sa nanay ko, kumain, at maligo ulit pero talagang wala.
sinukuan ko na ang posibilidad na makapag sulat ngayong araw kahit na ang totoo punum puno ako ng kwentong gutay gutay sa utak ko. lumabas na lang ulit ako ng bahay at dun ko naabutan ang kapatid ko na bitbit ‘yung paborito n’yang kalapati. ibebenta n’ya na raw hinihintay n’ya lang ‘yung bibili. nagulat ako, hindi daw kase makapisa ng itlog ‘yung kalapating ‘yun, wala daw silbi.
ganun daw ang pag aalaga ng ibon, kahit gaano kaganda ‘yung tindig at balahibo kung hindi naman makapisa ng itlog, wala din ‘yong kwenta.

naisip ko bigla ang blog ko at ako, bilang manunulat.

kung papano ka paglaruan ng swerte at kamalasan

Jon Cabron — Tue, 09 Mar 2010 07:33:38 +0000

e di eto nga, may bago akong netbook, swerte. may nakita akong kesyo pampabilis daw, swerte talaga. ininstall ko tapos ayaw ng mag load ng OS, malas. walang cd drive ‘yung netbook pero meron akong external, hmm swerte. pag hila ko nung kable, naputol. malas, hindi na maretoke. pero meron pa akong isang external, swerte. pero hindi ko mahanap ‘yung adaptor, malas.
kailangan kong magpunta sa mall ngayon para bumili na lang ng bago. ang malas lang kase ang init sa labas. tapos nalaman ko pa na ‘yung babae sa scandal na may isang linggo mahigit ko ng pinagsasaltikan nagpakamatay pala. malas naman.

tanong sagot 10

Jon Cabron — Fri, 05 Mar 2010 18:35:59 +0000

mga sinagot na tanong. formspring.me/joncabron

T. Jon, naranasan mo na rin ba dati makipag-sex habang nanunuod ng batibot? curious lang.
S. nasa sala ang tv namin, hindi mo naman siguro iniisip na wala akong manners para makipag anuhan sa katulong namin habang nasa sala kami.

T. saan ka kumukuha ng inspirasyon sa mga patuka mo sa utak sa tumblr?
S. hmmm pag nasa mood ka lahat ng bagay na makita mo mapipitasan mo ng patuka e, pero mas madalas sa isang usapang matalino kusang lumabalas ang mga patuka ko sa utak,

T. Kaanu-ano mo si Ernie Baron(+)?
S. seryoso? kapitbahay. sa munti s’ya namatay di ba?
.. pakikalimutan na ‘yang sinabi ko kung mali ako.

T. ANO PO BA ACRONYM NA ICUTMC
S. It Came Upon the Midnight Clear sabi ng google.

T. WHAT ABOUT SN,OHN, STTN
S. patayin mo na daw ‘yang computer mo at magpa araw ka sa labas.

T. Smart ka o Globe?
S. smart, dahil hindi ako probinsyano.

T. Taga san ka??
S. muntinlupa.

T. ang tamad ng jowa ko hindi man lang ako tinulungan tapusin ang project ko e wala naman siyang ginagawa.ano kaya mgandang sabihin ko sa kanya?
S. sabihin mo, jowa tulungan mo namang akong tapusin ang project ko wala ka namang ginagawa e. .. you are welcome.

T. Napanood mu na ba yung 500 days of summer na movie? anong masasabi mu don kung napanood mu na siya?
S. hindi, wala.

T. kaw ba si bob-ong?….bakit lagi ka nagtatago? – damn2balone
S. hindi at hindi ako nagtatago, hindi mo lang ako natityempuhan.

T. ano yung tattoo mo sa kanang paa?
S. audentes fortuna iuvat.

T. anu ang kadalasang dahilan ng pagkakaroon mo ng pagtatae?
S. sana alam ko ang sagot sa tanong mo.

T. anong musical instrument ang natutugtog mo at anong paborito mong kanta gamit yun?
S. utot, starry starry night (oo na, vincent ang title n’yan)

T. ikaw ba si bob ong?
S. hindi.

T. idol moba si bon ong?
S. magaling s’ya pero hindi.

T. saang hotel ka nagttrabaho?
S. sa hotel na mas mahal pa sa sogo hotel.

salamat at pagmamahal,
Jon Cabron
formspring.me/joncabron

tsekap

Jon Cabron — Sun, 28 Feb 2010 18:02:03 +0000

nakita mo na kung anong ibinunga sa akin nung obligadong checkup para sa annual medical namin? araw araw na akong nahihilo buhat nun. sinabi ko na naman dati alam ko naman na may sakit ako ayoko lang kumpirmahin sa pamamagitan ng pagpapacheckup dahil mumultuhin ako nun, araw araw at kada minutong dadalaw sa utak ko ‘yun hanggang sa bumigay ang katawang lupa ko. tignan mo, ayan na nga.

eto na yata ang pinakamataas na inabot ng bp ko, p’wera syempre ‘yung nagtangatangahan ako dati na ginawa kong droga ang kumbinasyon ng isang box ng extra joss at dalawang sachet ng kape. andaming naghihikayat sa akin ngayon na magpacheckup na ng totoo, kaya lang logic lang kase e, tignan mo lagi akong nahihilo at masakit ang ulo ko, may laman o wala ang tiyan ko sumasakit s’ya, ‘yung paa ko sumasakit din madalas, pag hapon at gabi pakiramdam ko lalagnatin ako, tapos tinubuan ako ng misteryosong tatlong singaw sa bibig ko, biglaan. natural kahit bata ang tanungin mo sasabihin sa’yo na talagang may mali sa sistema ko, may sakit ako. bakit ko pa kakailanganin ang kumpirmasyon ng duktor. sasama lang lalo ang pakiramdam ko. alam ko na naman ang sasabihin sa akin nung mga ‘yun iwasan ang alak at yosi, matulog ng maaga, at umiwas sa baboy.. kumain ng gulay at isda.. blah blah blah.
andaming kaibigan at ilang mahal sa buhay ang naghihikayat sa aking magpacheckup at lahat dinadaan ko lang sa biro at merong ibang pagkakataon na napipilitan akong mangako ng petsa kung kelan ko gagawin ‘yun dahil lang para matigil na. pero seryoso, malabo akong kusang loob na pumunta sa ospital para ipakutingting ang katawan ko. pag sinabi kong magpapacheckup ako sa araw ng sabado, biyernes pa lang kusang maggagalawan ang buong katawan ko para tutulan akong matuloy sa mismong araw na ‘yun o kaya bigla akong magkakaron ng biglaang lakad o emergency. s’yempre kung ako ang tatanungin gusto kong gumaling ako, nahihirapan din naman ako madalas lalo na obligado akong pumasok sa trabaho kahit may nararamdaman akong kakaiba sa katawan ko. pero kung maghihintay tayo ng pagkukusa na sa akin mismo manggagaling, malabo.
may naisip akong paraan.. halimbawa kaibigan kita, alam mo naman kung ano ang pinakamabisang paraan para mapalabas mo ako ng bahay namin, yakagin mo ‘kong maginom isang gabi tapos lagyan mo ng pampatulog ang iinumin ko. pag bagsak ko tumawag ka ng ambulansya at dalhin mo ‘ko sa ospital. ipagawa mo na lahat ng gusto nilang gawin sa akin.. pagkagising ko, medyo hihilo hilo pa ako “ano na? sino ng tatagay?” at sa nanlalabo kong paningin igagala ko ang mga mata ko at dun ko lang mapapagtanto na nasa ospital na pala ako.. fuuuuuuuu

* dun sa picture, hindi totoong 5′6 lang ang height ko. walang sukatan nung nirecord ng duktor ‘yan tinanong n’ya lang ako at ayaw n’yang pumayag na 5′6 1/2 ako, wala daw enihalf enihalf.

the late jon cabron.. again

Jon Cabron — Fri, 26 Feb 2010 00:11:53 +0000

may malaki akong problema, late na naman ako kanina at nasagad ko na ‘yung limit ng walong late isang buwan na isinabatas ng HR namin, pero hindi iyon ang pinaka sentro ng problema ko. nabanggit ko na kailangan ng written explanation pag nasagad ‘yung bilang ng late ‘di ba? iyon mismo ang problema, hindi ko alam kung papano ipapaliwanag ‘yung sitwasyon ko kanina.
naka alarm ang celfone ko ng alas kwatro sinko ng madaling araw, sapat na oras para mag inat ng konti, magcheck ng email at iba pang online accounts, maligo, at magbihis. ‘yung pagchecheck ng email at iba pang online accounts p’wede mong palitan ‘yun ng pagpindot ng snooze sa alarm mo para sa dagdag 10 minutes na kukumpleto ng tulog mo. ang totoo n’yan sa normal na usapan wala naman talaga akong problema sa paggising ng maaga, ang problema ko ‘yung pagtulog ng maaga. nadadamay na lang.
ganun nga ang ginawa ko kanina dahil pakiramdam ko, pag bumangon ako agad makakatulog na naman ako habang naglalakad papasok sa opisina. pinindot ko ‘yung snooze sabay tagilid ng higa. nagiisip pa ako habang nananginip, bakit parang antagal naman tumunog ng alarm? sabi ko pa, iba talaga ang mundo sa panaginip, ambagal ng oras. ng biglang pumasok sa sistema ko ang realidad.. imbis na naman na snooze ang mapindot ko, sa sobrang antok stop ang nahagip ng daliri ko na sinangayunan ng mata kong kalahati pa lang nakakamulat nung mga oras na ‘yun. ang oras? 5:35 am, ang oras ng trabaho ko? 6am.
bigla ang lundag ko ng nakahiga sa kama, diretso sa kuhanan ng isusuot, inabot ko ng kanang kamay ko ang tuwalya sa sampayan habang tumatakbong nasa kaliwang kamay ko ‘yung boxer shorts ko ng nakahubo. nagbuhos ng tatlong tabo, nagsabon ng braso at mukha, banlaw ng limang buhos.. mumog ng colgate, tapos.
mabilis akong nagbihis, hawak ang old spice deodorant na parang stick pero cream sa kaliwa at ‘yung gel na stick na panlagay sa buhok sa kanan, habang nakaharap sa salamin. nakailang hilamos na ako ng inaakala kong gel stick sa buhok ko tsaka ko lang napansin na ‘yung mismong cream ng deodorant pala ang ginagamit ko. kaya takbo ulit ako sa banyo para mag shampoo ng buhok ko, pero nabasa pati ‘yung pantalon at boxers ko kaya pagkatapos, naghanap pa ako ng plantsadong pantalon ulit.
pag bagong shampoo ang buhok mo matagal kapitan ng gel ‘yun kaya nagtagal pa siguro ako ng sampung minuto bago nakuntento sa kaitsurahan ko dun. at dahil sa mga pinagdaanan kong ‘yan syempre badtrip ako kaya nagyosi muna ako bago sumakay ng jeep sa kalsada. tapos masiba pa ‘yung drayber ng jeep na nasakyan ko, tapos baguhan lang ‘yung kunduktor ng bus kaya kusang binabagalan nung drayber ‘yung pagmamaneho n’ya para matapos masingil ng kunduktor lahat ng pasahero bago sila dumating sa babaan, matanda pa ‘yung drayber ng pedicab kaya ambagal. tapos pinaayos ko pa ‘yung pagkakalagay ng siopao nung tindero sa mini stop papa’no basta na lang isinama sa mga kape at yosing binili ko.
ang problema ko,tanggapin kaya ng HR namin ‘yang sitwasyon kong ‘yan, papano ko kaya maipapaliwanag ng maayos ‘yan… english pa.

pwede bang wag nyo na lang munang basahin ‘tong kabaduyan na ‘to?

Jon Cabron — Wed, 24 Feb 2010 06:57:39 +0000

gaya ng dati. ordinaryong araw, bakasyon sa trabaho at mainit sa labas kaya masarap lang magkulong sa kwarto at magbabad sa harap ng computer habang tinututukan ng hangin. gusto kong isipin na sa mga ganitong kasimpleng sitwasyon karaniwang nagaganap ‘yung mga pagkakataon na hindi mo inaasahan. maniwala ka, alam ko. wala nga lang akong sapat na batayan.
kinuha ang atensyon ko ng isang message sa email, may nag add daw sa akin sa facebook. halatang hindi tunay na pangalan ang ginamit pero bago ko pa lang buksan ang facebook account ko may duda na ako kung sino s’ya. “gelpren” ko s’ya nung grade 4 pa lang kami, kaklase s’ya ng mga pinsan ko sa ibang eskuwelahan. batang relasyon lang ‘yun, walang halikan at walang hawakan. basta alam mo lang na sa kanya ka at sa iyo s’ya… basta otomatik na pag naglalakad kayo, lagi kayong sabay. pag bayadan sa dyip lagi kayong naglilibrehan, pag kakain sa jollibee lagi kayong tabi, at pag may bagong kanta, dedicated sayo at sa kanya. mga ganung kakornihan.
katulad ng hindi ko maalala kung papano nagsimulang maging kami, hindi ko na rin maalala kung papano nagtapos kung anong meron kami. siguro ganun kawalang halaga sa akin ‘yung bagay na ‘yun nung mga panahon na ‘yun. pero kanina nagpawis ‘yung mga kamay ko nung inaccept ko ‘yung friend request n’ya, tapos hindi pa s’ya nakuntento nag message pa s’ya sa akin. at iyon ang problema ko ngayon, pag ang isang tao pala hindi mo sa internet lang nakasalamuha may mga simpleng tanong na parang ang hirap sagutin, kung dito lang ‘yun madaling sagutin katulad ng mga tipikal na sagot ko sa ganun kasimpleng tanong ng pangangamusta, “ok lang ako, at ikaw?” pero eto ang hirap, nakakatakot kase na baka pag iyan ang isinagot ko tapusin n’ya ang reply n’ya sa tuldok lang, baka hindi na masundan.

tanong sagot 9

Jon Cabron — Tue, 23 Feb 2010 16:32:43 +0000

mga tanong at mga kamunduhan.
formspring.me/joncabron

T. Jon, sino nga ba ung bidang batang babae dati sa Heredera? tsaka naging fan ka rin ba dati ni Val Sotto sa Aguila? Buti ka pa nakita mo na si Amante…
S. si glaiza heradura daw sabi ng nanay ko, alam mo bang hinalikan ako dati sa pisngi nun, sa bilibid kase ang shooting nun dati tapos nagpunta kami.
crush ko ‘yung balbas ni agila dati, ‘wag kang magalala wala naman akong nakapang ikinadagdag sa pagkatao ko nung nakita ko si amante dati kaya walang masyadong nawala sa’yo na hindi mo pa s’ya nakikita.

T. ilang babae na nakantot mo?
S. anlabo naman ng tanong, babaeng ano ba ang tinutukoy mo?

T. pede mo bang sabihin kung ilang taon ka ng nabubuhay d2 sa mundo?
S. pwede, bente nuwebe.

T. Virgin ka pa ba?
S. oo.

T. Puwede ba ibalato mo na lang sa akin yun girlfriend mo tutal may asawa ka naman tsong! ^-^
S. ayusin mo ‘yang itsura mo, magbawas ka ng timbang at manamit ka ng maayos tapos mag isip ka ng magandang diskarte sa babae habang nakaharap ka sa salamin para malaman mo kung anong magandang anggulo mo, maniwala ka sa akin hindi ka na makikibalato lang pag nagawa mo ‘yan. at isa pa, iwasan mo ‘yang mga emoticon na ganyan, pambabae lang ‘yan at kasing tanda na ng internet ‘yung mga ganyan. at huli, magpatuli ka. hindi naman masakit.

T. Sinong mahal mo talaga asawa mo o yun girlfriend mo?
S. ang diyos.

T. Kamusta ka naman?
S. mabuti naman, at ikaw?

T. anong ibig sabihin ng FML?
S. Fuck My Life.

T. papano ko mag papa bj sa gf ko?
S. ikadena mo ‘yung gelpren mo, gutumin mo ng isang linggo tapos lumapit ka sa kanya na may pahid ng cheesewiz ‘yang titi mo.

T. pag naghahalikan kami ng gf ko lagi akong tinitigasan. pano palambutin? lagi kasi niyang hinihimas eh.
S.wala kang girlfriend.

T. pwede bang malaman number ng misis mo?
S. pareho sila ng number ng nanay mo. oo, maniwala ka, anak.

T. okay lang bang fingerin ko gf ko lagi? lagi kasi siya bumubukaka at nagpapafinger.
S. ganun talaga ang aso pag naghahanap ng kalaro.

T. ilang taon ka nung unang beses mong makipagkantutan?
S. four, sa laruang care bears ng ate ko.

T. favorite local and foreign bands mo sir jon?
S. foreign – cake, korn, rage against the machine. local – imago, dating parokya ni edgar, dating greyhoundz, backdraft, truefaith.. marami pa e, ‘yan lang pumasok sa isip ko ngayon.

T. putang inamo cabrpn minu minuto
S. putangena mo rin at putangena ng mga magulang at kapatid mo. joke lang.

T. sex
S. male

T. bak8 gago kayo
S. dahil cool maging gago. madalas.

T. pno mo nsabing msrap kng mgmahal? sir cabron ??
S. dahil nasasarapan ako pag minamahal ko ang sarili ko ng mag isa sa banyo.

T. kahulugan ng pader na masasasandalan
S. dibdib ko na kasing tibay ng adobe. ok, hindi.

T. ano para sa’yo ang kasal? gaano ito kahalaga?
S. ang kasal ay kasulatan para pwede mo ng iputok sa loob. mahalaga lang ito sa mga magulang mo at sa mga magulang ng mapapangasawa mo. minsan, sa mga magiging anak n’yo rin. ewan ko kung bakit.

T. hindi ka ba natatakot sa pagawa ng mga bagay na may kinalaman sa pambabae?
S. bakit hindi na lang ang matinding takot ko sa ipis ang pagusapan natin? takot na takot ako sa maliit na insektong ‘yun, hindi ko alam kung dahil sa itsura n’yang mukhang naka helmet at naka kapa o sa angkin n’yang bilis o dahil sa pag nagapangan ka ng paa n’yang may matutulis tataas ang lahat ng balahibo mo sa katawan.

T. bakit comments off?
S. diskarte para gamitin mo ‘yung formspring ko. henyo? alam ko.

T. jon, pwede ba kitang ma-meet?
S. oo naman, kelan?

T. pwde ka bang mkavalentine mamaya sa YM?? katlin.alberto@yahoo.com..un ay kung wala kang date…
S. ahhhm nahuli yata ako ng pagsagot sa tanong mo, hindi.

T. sa palagay nyo po ang pagiging kabit o kulasisi ay nakakasira pa din ng pamilya kahit hindi naman na mahal ng lalaki ang asawa nya at ang mga bata na lang ang iniisip nya?salamat po..
S. kung hindi na mahal ng lalaki ang asawa n’ya papano mo masasabing buo pa rin ang pamilya n’ya? mali ang konsepto mo ng “buong pamilya” iha.

salamat, ambabastos ng mga bunganga n’yo.
Jon Cabron

tanong?
formspring.me/joncabron

ma el ka ba?

Jon Cabron — Fri, 19 Feb 2010 00:26:04 +0000

papano mo malalaman kung ma el ka..

senaryo:
nakasakay ka sa jeep, umuulan sa labas tapos may sumakay na estudyanteng tisay. tinignan mo ‘yung umaagos na tubig ulan na nanggagaling sa buhok n’ya diretso sa may mukha n’ya pababa sa may leeg. napansin mo na bakat ang bra n’ya sa suot n’yang manipis na uniporme at napansin mo na giniginaw ‘yung babae dahil may nakabakat..

tanong: papaano mo malalaman kung nasa hayskul pa lang ‘yung babae o kolehiyala na?

sagot: hayskul ang estudyante pag naka suot s’ya ng medyas.

lahat ng sagot na may kinalaman sa utong o dyoga at sa mga iba pa, sagot ng malibog ‘yun.

kung hindi ka na masaya sa trabaho mo hayaan mong palitan ng mas karapat dapat na tao ang pwesto mo, ‘wag mong hayaang malugi ang kumpanya ng dahil lang sa isang taong tinatamad gampanan ang tungkulin n’ya.

Jon Cabron — Wed, 17 Feb 2010 00:16:41 +0000

naiimagine mo ba kung gaano kalaking sakripisyo sa isang katulad kong bente nuwebe anyos ang matulog ng napakaaga? kunyari, alas nuwebe ng gabi para lang magising ng maaga, halimbawa alas kwatro ng madaling araw para pumasok sa opisina? hindi na ako makapag internet sa madaling araw, hindi na ako makatambay, makapag puyat, parang hindi na ako tao, paksyet.
ano ang punto ko? ang sa akin lang kung pumapasok tayo sa opisina para magpahinga, sa bahay na lang natin gawin ‘yun. maniwala ka sa akin, napaka isandaang porsiyento na mas magiging kumportable tayo kung sa bahay natin ginagawa ‘yung pangkaraniwang ginagawa mo sa opisina katulad ng pagcha chat, pagtulog, at pagtatanim sa farmville mo. ‘wag mong itulad ang sitwasyon mo ngayon sa dati nung nagaaral ka pa lang na ang paborito mong subject ay recess at pumapasok ka lang para maghintay ng uwian. walang kokontra sa’yo dati kung ganun ang gawain mo dahil una, pera naman ng magulang mo ang sinasayang mo at pangalawa, buhay at kinabukasan mo naman ang sinisira mo. malayung malayo sa ngayon na may mga nasasakupan kang umaasa sa’yo at may kumpanyang binabayaran ang serbisyo mo. sabi ko nga, kung hindi ka na masaya sa trabaho mo hayaan mong palitan ng mas karapat dapat na tao ang pwesto mo, ‘wag mong hayaang malugi ang kumpanya ng dahil lang sa isang taong tinatamad gampanan ang tungkulin n’ya.
kung gagawing pang araw araw na sitcom ang department natin mura lang ang ibabayad sa’yo, wala ka naman kaseng dialogue lagi. parang hindi lang dumating ‘yung props na mga halaman at kinulang ng pintura sa pader kaya pinaupo ka na lang sa harap ng dingding para pagtakpan ang kakulangan nito.
alam mo kung anong mas maganda? ‘wag ka ng pumasok tapos ‘yung upuan mo lagyan na lang natin ng rebulto ng santo. para kung sakaling tatawag man kami sa kanya, kahit alam naming malabo may sagot pa rin kaming aasahan.

oh at ikaw na nagbabasa nito, tutal andyan ka na rin lang.. kung nakaadd na ako sa facebook mo (joncabron@gmail.com) signup ka sa miniplanet tapos add mo ‘ko. masaya ‘yan parang sims na online at oo, napakaraming posibilidad.

oo na, ang ironic na matapos kong maglitanya ng ganun e bigla akong magaalok ng laro sa dulo.. oo na, naiintindihan na kita, ‘wag mo na lang akong pakialamanan.