teh mighty JON CABRON show

maganda ang plano ko sa bertdey ng anak ko e, gagawa ako ng invitation card para sa mga kaklase n’ya tsaka  ‘yung nanay ko daw may mga bisita din, gawaan ko rin daw. ‘yung mga pinsan ni polin hindi na kailangang bigyan, pasasabihan na lang daw. nung gabi pa lang bago ako pumasok naririnig ko na silang naguusap tungkol sa handa. andaming iluluto. mula miryenda hanggang hapunan ang handaan. engrande.
pumasok ako, nagtrabaho magdamag. pag uwi ko ng umaga, naguumpisa na ang lahat na mag asikaso ng mga lulutuin, pumunta pa ‘yung tita ko para tumulong at hindi pumasok si mrs. cabron. si polin nasa eskuwelahan pa nun. pagkakita pa lang sa nila sa akin kinamusta nila agad ‘yung invitation na ginawa ko, patingin daw. sabi ko may nagawa na ako pero hindi pa napi print. matagal ng walang tinta ang printer sa bahay at bawal mag print sa opisina. ang natitira na lang na paraan ay makiprint sa computer shop malapit sa amin… maaga pa naman. mamaya na siguro ‘yun.  (more…)

may tinatawag na “mas mahirap pa sa daga” na ang simpleng ibig sabihin ay hikahos ka na sa buhay at mas may luho pa ang mga daga kesa sa ‘yo.
sa sitwasyon ko sa buhay ngayon, sinong mag aakala na may makikita akong isang larawan na magtutulak sa akin upang maisip ang salitang..
(more…)

payong kaibigan lang, ibangon mo ang dignidad mo isipin mo na lang na merong isang party, bukas para sa lahat ..pero hindi ka pinapasok dahil hindi ka nakasapatos o kaya bumaba si santa mula sa langit at nag bigay ng regalo sa lahat ng mga tao ..pero hindi ka kasama sa naabutan ng regalo dahil putol ang mga kamay mo.
mabait ka naman at malambing kaya lang may malaking kulang sa ‘yo, wala kang pinagkaiba sa sinigang na walang siling berde.. pwede na sana kaso lang nakakatamad kainin. nakakasuka pag sumobra. nakaka umay. nakakasulasok. pag idinighay lumalabas sa ilong.
dapat mong malaman na kung gaano kasaya ang nakikita natin sa mundo ng internet kapag nagsisimula pa lang tayong matuklasan ito, ganun din kasalimuot ang buhay dito habang tumatagal tayo. hindi mo dapat ibinubuhos ang buong pagkatao mo sa isang mundo na puno ng pagkukunyari, dog eat dog. palakasan at pataasan. kainan ng mahihina.lahat na lang mayaman, makapangyarihan, malakas, at may abs.  (more…)

nangyari ito nung isang araw, habang sakay ako sa unahan ng jeep sa alabang pabyaheng muntinlupa may sumakay na isang babaeng halos lumuwa na ang dede sa likod ng jeep na sinasakyan ko, at syempre bilang isang pilipinong pasahero ng isang pampublikong sasakyan, ginawa ko ang pinaka lohikal na dapat kong gawin, inabangan ko s’yang tumungo papasok ng jeep sa salamin na nasa may ulunan ko. hindi s’ya maganda at hindi rin s’ya ganun kaseksi sa totoo nga ang una ko agad naisip nung mga oras na ‘yun hindi ko makakayang patulan ang babaeng ‘yun kung may makakaalam, alam n’yo ‘yung ganung tipo?
tipikal na pilipina lang s’ya. hindi seksi pero seksing manamit. basta otomatik na ‘yun na mapapalingon ka talaga sa salamin para bosohan s’ya, natural na ‘yun kung hindi ka naman bakla.
hindi iyon ang kwento, kasunod n’yang sumakay ang isang babaeng mataba na nakaputing bestida at banat na banat ang nakapusod na buhok. pag abot ng bayad nung babaeng bagong sakay napansin n’ya ‘yung babaeng seksing manamit at napangiwi s’ya. natawa ako sa reaksyon n’ya kaya nalibang akong panoorin silang dalawa sa salamin.
hindi napapansin nung babaeng seksi manamit na titig na titig na sa kanya ‘yung babaeng mataba na napapangiwi sa itsura n’ya. maya maya may hinalungkat sa bag n’ya si babaeng seksi manamit at inilabas n’ya ang make up n’ya na may maliit na bilog na salamin. lalong nakaramdam ng pagka disgusted sa mukha ‘yung babaeng mataba na nasa harapan ng upuan n’ya.
pakiramdam ko sinusuring maigi ng babaeng mataba ‘yung babaeng seksi manamit sa harapan n’ya. pira piraso, parang bawat sulok ng pisikal na pagkatao ni babaeng seksi manamit hinahanapan n’ya ng pandidirihan n’ya.
(more…)

ang suliranin dito, hindi sa kung papano ko isinusubo at ipinapakain ang mga bagay bagay na sinasabi ko para sa mga mambabasa ko, ang problema dito may mga taong nginunguya ng pira piraso ang mga sinasabi ko..
at nilulunok bago pa nila malasahan ang gusto kong sabihin.

madali lang magsulat, alam n’yo kung ano ang mahirap?
ang bigyan ng sariling kamay ang sinusulat mo para kusang humigit at yumakap sa utak ng mambabasa mo.
- patuka sa utak / ang entry na walang pamagat (August 29, 2008 | 2:09 am)

minsan ang katwiran maihahalintulad mo sa isang chichirya. pagkaing umaapaw sa laman, nakakabusog pero walang sustansya. minsan may mga pangangatwiran naman na puno ng sustansya, pero nakakakabag. walang pinagkaiba sa isang taong sasalungat sa akin pag sinabi kong tanging mga babaeng lamok lang ang nangangagat at ipaglalaban n’yang nangangagat din ang mga aso.
minsan ko lang sasabihin ‘to “seryosohin n’yo ko” .. seryosohin n’yo ko sa sinasabi ko na ‘wag n’yong masyadong seseryosohin lahat ng pinagsasasabi ko sa blog na ‘to. kalokohan at katangahan. (more…)

gusto mo ng katotohanan? ito ang katotohanan.
hindi nangyayari sa tunay na buhay na may makikitang babae ang isang lalaki at bigla s’yang mala love at first sight dun. ang totoo n’yan kung meron mang pakiramdam talaga na tinatawag na “love at first sight” mali ang pagkakahulugan nun kesa sa nalalaman mo, hindi iyon paghanga na bigla bigla mo na lang mararamdaman sa isang tao. mas tamang sabihin na libog ‘yun na hmmm medyo pinasosyal at pina wholesome ang dating. bakit mo kailangang paniwalaan ‘yan? dahil sinabi ko. bakit ko nasabi?
walang lalaki na sa unang kita n’ya pa lang sa isang babae habang nasa isang bar sila na maiisip n’ya agad kung marunong kaya sa kusina ang babaeng ito at masarap kaya s’yang magpochero dahil sa katotohanan at sa tunay na buhay isang bagay ang mas talagang unang papasok sa isip ng lalaki, masarap kayang birahin sa ibabaw ng lababo ang babaeng ‘to? iyan at marami pang makamundong isipin at marami pang iba bago pa papasok sa isip n’ya ang maliit na impormasyon kung kamusta ba ang pochero mo.
(more…)

ano ang konsepto ng makalat na organisado?
pagkakatapos kong maligo para pumasok sa trabaho, diretso ako sa computer table ko para kunin ‘yung rosary bracelet ko tapos isang hakbang mula dun diretso ako sa aparador para mag deodorant at magpahid ng lotion tapos nun kukuha ako ng dalawang cotton buds at habang nililinis ko ‘yung tenga ko isusuot ko  ‘yung pantalon kong nakasabit sa likod ng pinto ng kwarto. iiwan ko ‘yung cotton buds sa ibabaw ng ref tapos kukunin ko dun ‘yung mp3 player ko na ilalagay ko sa kaliwang bulsa ng pantalon ko at ‘yung celfone ko. tatalikod ako para abutin ‘yung coin purse ko na nakasabit sa sabitan ng mga susi. iikot ako pakaliwa para abutin ang gel ko at ang suklay tapos babalik ako sa kwarto para isuot ‘yung naka hanger na polo sa aparador. at ang pinakahuli, babalik ako sa cr para kunin dun ang lighter at yosi ko.
(more…)

tayong dalawa lang sa bus, nakita kong umuuga ang ulo mo at sumasabay sa galaw ng sinasakyan natin. antok na antok ka na. hinuli ko ang mga mata mo para ituro ang balikat ko, para ipahiram sa ‘yo at gawin mong unan. hindi ako nagdalawang salita, pumwesto ka at pinagpahinga mo ang ulo mo sa balikat ko.. kasabay ng pagpulupot ng mga kamay mo sa katawan ko. at pag huli sa kamay ko para humawak sa mga kamay mo.
hindi ko na maalala kung kelan ang  huling pagkakataon na nakipag holding hands ako .. sa bus, sumabog ang pawis ko, naiiilang ako. pakiramdam ko ang tanda ko na para makipag hawakan pa ng kamay. ang haba ng byahe at andaming stop over, nililibang ko na lang ang sarili ko sa paglalaro ng kamay mo na hawak ko. at paghalik sa ulo mo ng walang malisya. otomatik ‘yun, hindi pupwedeng lumipas ang kahit thirty minutes na hindi mo hahalikan o aamuyin ang ulo ng taong naka unan sa ‘yo.. walang batas tungkol d’yan pero kailangan mong gawin ‘yan kahit itanong mo pa sa mga matatanda, at maniwala ka man o hindi wala pang naitatalang babaeng nabubuntis sa ganung sitwasyon.
(more…)

wala itong pinagkaiba nung panahon na tinikman ni eba ang ipinagbabawal na prutas at inialok n’ya kay adan. matapos ‘yun nagsimula ng mawala ang inhibisyon nilang dalawa na nasundan pa ng ibang mga paglabag sa batas at pagsuway sa mga bagay na nakaugalian na, at iyon ang simula ng pagtakas nila sa mga bagay na nakasanayan na .. at dun sila nagumpisang naging masaya.
sinabi ko na dati, hindi ako lilitaw at hindi ako magpapakita sa kahit na sinong blogger. wala akong naiisip na dahilan at sa totoo lang hindi ako makahanap ng paraan para hiramin ang kaluluwa ko sa trabaho ko at iyan ang magagamit kong dahilan. ayokong makipag kaibigan, hanggat maari gusto kong ilayo ang mundo ng internet sa tunay na buhay.
nagkita kami ni lenggai nung nakaraan at may babaeng blogger na hinayaan kong makipag sulyapan sa akin sa isang mall, walang usap. titigan lang saglit.
nung biyernes lang ako bumigay para sa isang group EB, anim kami lahat. si az, lenggai, angel, yuri, at isang kaibigan ni lenggai na  hindi ko alam kung pwede kong tukuyin. at maaga s’yang umuwi. sa timog kami nagkita kita.
(more…)

(more…)